Gazte talentuarekin elkartzen gara enplegu azoketan

ULMA Packagingentzat funtsezkoa da talentu gaztearekin harreman zuzena izatea, etorkizuneko profesionalen garapenean laguntzeko eta gure lan-errealitatea gertutik partekatzeko. Horregatik, datozen asteetan hainbat unibertsitatetan egingo diren enplegu azoketan izango gara.

Parte hartuko dugun azokak hauek izango dira:

• Otsailak 11: Enpresa Eguna - Gipuzkoako Ingeniaritza Eskola (UPV/EHU)
• Otsailak 25 eta 26: Enplegu Foroa - Nafarroako Unibertsitatea / Tecnun Donostia
• Martxoak 26: Enplegu eta Enpresak Aurkezteko Jardunaldia, JEPE - San Mames

Topaketa hauek gure jarduera azaltzeko ez ezik, lehen esperientzia profesionalaren ikuspegi erreal bat partekatzeko ere balio dute. Bereziki azpimarratzen dugu egunerokoan talde-lanak duen garrantzia: proiektuak elkarlanean garatzen dira eta ikaskuntza pertsonala taldearen barruan eraikitzen da.

Aldi berean, ikasleen interesak, zalantzak eta lan munduari buruz dituzten itxaropenak entzutea ere bada helburua. Harreman zuzen honek balioa sortzen du bi norabideetan: ikasleek enpresaren errealitatea ezagutzen dute eta guk belaunaldi berrien ikuspegia jasotzen dugu.

Ekimen hauen bidez, unibertsitatearekiko lotura sendotu eta etorkizuneko profesionalekin lehen kontaktua modu naturalean erraztu nahi dugu.