Laguntza Teknikoa
Ekoizpenaren zaindariak
Gure bezeroek zerbitzu hurbila, azkarra eta eraginkorra izan dezaten lan egiten dugu, eta konpromiso hori gure egituran txertatzen da. Gure konpainia osatzen duten 1.200 pertsonetatik 250 Zerbitzu Arlokoak dira. Gure sare zabalari esker, berehala jardun dezakegu ekintza eremu zabal batean.
Aurkitu hemen hurbilen duzun kontaktua.
- 250 pertsona baino gehiagoko zerbitzu sarea
- 50 herrialderentzako zerbitzua
- Produktu lerro bakoitzeko lantalde espezializatuak
- Arreta profesionala
- Batzorde Tekniko Aditu baten laguntza
Gure bezeroek ziurtatuta daukate beren ekipoen gaineko informazio guztia duen tokiko teknikari aditu batek emango diela zerbitzua zuzenean. Horrela, berehala erantzuteko dugun gaitasuna ziurtatzen dugu eta azkar jarduteko beharrezkoak diren baliabide guztiak abian jartzen ditugu.
Zerbitzu sare orokorra dugu, 30 bulego baino gehiagorekin. Gainera, gure banatzaile guztiek zerbitzu tekniko propioa dute, gure teknologietan espezializatutako profesionalek osatua, eta, horri esker, 50 herrialde baino gehiagotan zerbitzu profesional eta hurbila eskaini dezakegu.
Gure Zerbitzua produktu lerroaren arabera espezializatuta dauden lantaldeek osatuta dago, ekipo bakoitzaren ezagutza sakona eta egoera bakoitzean maila goreneko jarduera bermatzeko.
Gure teknikari guztiek Batzorde Tekniko Aditu baten laguntza dute urrutitik. Batzorde horrek sakon ezagutzen ditu ekipoak eta aplikazioak, eta gure egoitzatik ematen du laguntza. Horrela, proiektu konplexuetan edo eskakizun bereziko proiektuetan egiten ditugun jarduketen arrakasta bermatuta geratzen da bezeroarentzat.
Gure bezeroek zerbitzurik hoberena, gure profesionalek jarrera proaktiboa izanda ematen duten zerbitzu hurbila, merezi dute. Horregatik, gure teknikarien prestakuntza planaren barruan bezeroei arreta profesionala emateari buruzko jardunaldiak sartzen dira, erronka guztiei modu positiboan eta proaktiboan aurre egin diezaieten.
